ನಿಮ್ಮ ಭಾವನೆಗೆ ನನ್ನ ಕೆಲವೇ ಕೆಲವು ಪದಗಳು
ಇಲ್ಲಿರುವ ಯಾವುದೇ ಕವಿತೆಗಳಿಗೆ ಮತ್ತು ಹಾಳುಮೂಳು ಬರಹಗಳಿಗೆ ಒಂದು ದೃಷ್ಟಿಕೋನ ಒಂದು ಗುರಿ,ಧ್ಯೇಯ ಯಾವುದು ಇಲ್ಲ.ಇಲ್ಲಿರುವ ಪದಗಳಿಗೆ ಕವಿತೆ ಅನ್ನುವ ಚಂದದ ಹೆಸರಿನಿಂದ ಕರೆಯಬೇಕ? ಅದೂ ತೋಚುತ್ತಿಲ್ಲ.ಕೊನೆಗೆ ಈ ಪದಗಳ ಮೂಲಕ ನಾನು ಏನು ಹೇಳಲಿಕ್ಕೆ ಹೊರಟಿದ್ದೇನೆ ಅಂತ ಕೆಲವೊಂದು ಸಲ ನನಗೂ ಅರ್ಥವಾಗುವುದಿಲ್ಲ. ಇಲ್ಲಿರುವುದೆಲ್ಲ ಕೇವಲ ಹುಚ್ಚು ಮನಸ್ಸಿನ ಭೋರ್ಗರೆತಗಳು ಮಾತ್ರ. ಇವನ್ನ ಕವಿತೆ ಮತ್ತು ಅದ್ಭುತ ಬರಹ ಅಂತ ಓದುವ ನಿಮಗೆ ಮತ್ತು ನಿಮ್ಮ ಸಹನೆಗೆ ಮತ್ತು ಅತ್ಯಮೂಲ್ಯ ಸಮಯಕ್ಕೆ ನಾನು ಅಭಾರಿ…….ಮತ್ತೆ ಇಲ್ಲಿ ಕೆಲವೊಂದು ಸಲ ಕೆಲವು ಘಟನೆಗಳನ್ನ ನೆರವಾಗಿ ಹೇಳಬೇಕಾದ ಸಮಯದಲ್ಲಿ ಅನಿವಾರ್ಯವಾಗಿ ಅಸಂಬದ್ದ ಪದಗಳನ್ನ ಉಪಯೋಗಿಸಲೇ ಬೇಕಾಗುತ್ತದೆ ..ಮಡಿವಂತ ಮಹಾಶಯರು ನನ್ನ ಈ ಒಂದು ತಪ್ಪನ್ನ ಕ್ಷಮಿಸಿಬಿದಬೇಕು…….ಇಂತಿ ನಿಮ್ಮ ಪ್ರೀತಿಯ ನವಿಲುಗರಿ ಹುಡುಗ

ಕೆಲವು ಚುಟುಕುಗಳು..!!

ಸಾಮ್ಯತೆ……..!!!

ನೀ ನನ್ನಿಂದ
ದೂರಾಗುತ್ತಿರುವುದಕ್ಕು
ನಾ ಸಾವಿಗೆ
ಹತ್ತಿರವಾಗುತ್ತಿರುವುದಕ್ಕು
ಅಂತಹ ವ್ಯತ್ಯಾಸವೇನಿಲ್ಲ….!

ಹಾರೈಕೆ……….!!!

ಹೃದಯಗಳೇ
ನೀವು ಕಳೆದುಕೊಂಡ
ಒಲವೆಲ್ಲ
ಇಂದಲ್ಲ ನಾಳೆ
ಉಲ್ಕೆಗಳ ರೂಪದಲ್ಲಿ
ಸುರಿದು ಬರಲಿ…..!

ತೃಪ್ತಿ……!!!

ನಲಿವೇ
ಆಗಬೇಕೆಂದಿಲ್ಲ
ನಿನ್ನೊಲವಿನ
ನೋವಾದರು ಸಾಕು…..!

ಮಾಯಗಾತಿ….!!!

ಬೆಂಬಿಡದೆ
ಕಾಡುತ್ತೇವೆಂದ ಕನಸುಗಳಿಗೆ
ನಿನ್ನ ಒಲವ ಕುರಿತು ಹೇಳಿದೆ..
ಪಾಪದ ಕನಸುಗಳು ಕನಸುಗಳು ಕೂಡ
ಕನವರಿಸುತ್ತಿವೆಯಂತೆ ನಿನ್ನ….!!!

ಗೆಜ್ಜೆ-ಹೆಜ್ಜೆ
ನನ್ನೊಳಗೆ ನೀ ಬಿಟ್ಟು ಹೋದ
ಗೆಜ್ಜೆಗಳಿಗು
ಹೆಜ್ಜೆಗಳಿಗು
ಅಂತಾ ವ್ಯತ್ಯಾಸವೇನಿಲ್ಲ !
ಹೆಜ್ಜುಗಳು ನಿನ್ನೊಲವ ವಿರಹಗೀತೆಗಳಾದರೆ
ಗೆಜ್ಜೆಗಳು ನಿನ್ನೊಲವ ಪ್ರೇಮಗೀತೆಗಳು..

2 Responses to “ಕೆಲವು ಚುಟುಕುಗಳು..!!”

  1. ಉಲ್ಕೆ ಉರಿದು ಹೋಗುತ್ತದಲ್ಲ! ನಾವು ಕಳೆದುಕೊಂಡ ಒಲವೂ ಉಲ್ಕೆಯ ಹಾಗೆ ಉರಿದು ಹೋಗಲಿ ಎಂಬ ಆಶಯ ಸರಿಯಲ್ಲ. ನಾವು ಕಳೆದುಕೊಂಡ ಒಲವು ಮಳೆಯ ಹಾಗೆ ಸುರಿದು ಜೀವವನ್ನು ಪೋಷಿಸಲಿ ಎಂದು ಹಾರೈಸೋಣ.

    ಬ್ಲಾಗು ವಿಹಾರಿ - March 5, 2007 at 2:22 am

  2. olavo-virahavo
    kanike kanikeye.
    neeve andhange
    adu kooda hejjegalaguvudalla?

    neel3 - March 20, 2007 at 4:09 pm

Leave a Reply