ಹನಿ-ಹನಿ

ಸತ್ಯ
———————–
ಚುಕ್ಕಿಯಿಲ್ಲದೆ ನೀನಿಟ್ಟ
ನನ್ನ ಹೆಸರಿನ ರಂಗೋಲಿಯ
ಆಯುಷ್ಯದ ಬಗ್ಗೆ ನಂಬಿಕೆಯಿಲ್ಲ-
ನಿನ್ನ ಕುರಿತು ಈ ಎದೆಯ ಮೇಲೆ
ಬರೆದುಕೊಂಡ ಭರಪೂರ
ಭಾವನೆಗಳಲ್ಲಿ ಬರವಸೆಯಿದೆ

ಸಲಹೆ
———————–
ಪ್ರತಿ ಸಲ ಬೇಡ
ಅಂತಹ ದುರಾಸೆಯಿಲ್ಲ ನನಗೆ.!
ದಿನಕ್ಕೊಂದು ಸಲ ನನ್ನ ಕನಸಿಗೆ ಬಂದು
ಮತ್ತೆ ನಾಳೆ ಬರ್ತೀನಿ ಅನ್ನೊ
ಬರವಸೆ ಕೊಟ್ಟು ಹೋಗಿ ಬಿಡು

ಕಾಮ
———————–
ನಮ್ಮ ಗೆಳೆಯ ಗೆಳತಿಯರ
ಪ್ರೇಮದೂರಿನಾಚೆ ಇರುವ
ಕಾಡೊಳಗೆ ಅವಿತು
ಕುಳಿತಿರುವ ಒಂದು ಚಿರತೆ.

ಗೆಳೆಯ
———————–
ನಾನು ಜೊತೆಯಲ್ಲಿರುವಾಗಲೆಲ್ಲ
ಇವನ ಕಣ್ಣಿಗೆ ಕಸ ಬೀಳುತ್ತೆ,
ಅರ್ದ ತಿಂದ ಹಣ್ಣಿನ ಮೇಲೂ
ಇವನ ಕಣ್ಣು ಬೀಳುತ್ತೆ,
ಮಜಭೂತಾದ ಮಾರ್ಚ್ ತಿಂಗಳಲ್ಲೂ
ಇವನಿಗೆ ಚಳಿಗಾಳಿ ಬೀಸುತ್ತೆ.

ಕೋರಿಕೆ
———————–
ಪ್ರತಿ ಕಾಮನ ಬಿಲ್ಲಿಗೂ ಇವಳ
ಹೆಸರಿಡುತ್ತೇನೆ, ಹೆಸರಿಡಿದು
ಕೂಗುವಷ್ಟರಲ್ಲಿಯೆ ಮಾಯವಾಗುತ್ತಾಳೆ
ದೇವರಲ್ಲಿ ಯಾವತ್ತು ನನಗೆ
ಕಾಮನಬಿಲ್ಲು ಕಾಣಿಸದಂತೆ ಶಾಪ ಕೊಡು
ಅಂತ ಕೇಳಿಕೊಳ್ಳಬೇಕು !