ನವಿಲುಗರಿಯ ಬಗ್ಗೆ ಎರಡೇ ಎರಡು ಮಾತು !

ನವಿಲುಗರಿ.. QUALITY ಕಮ್ಮಿ QUANTITY ಹೆಚ್ಚಿರುವ ಕನ್ನಡದ ಒಂದು ಚಿಕ್ಕ ಬ್ಲಾಗ್. ಅದು ಯಾವ ಜಾದುವೋ ಇಲ್ಲಿಯವರೆಗೂ ತಿಳಿದಿಲ್ಲ. ಇವತ್ತಿಗೂ ಇಲ್ಲಿರುವ ಕೆಲವೇ ಕೆಲವು ಬರಹಗಳನ್ನ ಓದಲು ಪ್ರೀತಿಯಿಂದ ಓದುಗ ದೊರೆಗಳು ಬರುತ್ತಲೇ ಇದ್ದಾರೆ. ಮೊನ್ನೆ ಮೊನ್ನೆಯಷ್ಟೆ ಒಂದು ಲಕ್ಷ ಓದುಗರು ಈ ನವಿಲುಗರಿಯ ಗುಡಿಸೊಲೊಳಗೆ ಬಂದು ಓದಿ, ಬೈದು, ಹೊಗಳಿ, ಹೋಗಿದ್ದಾರೆ. ಇನ್ನೇನು ಕೆಲವೇ ದಿನಗಳಲ್ಲಿ ನವಿಲುಗರಿಯ ಓದುಗರ ಸಂಖ್ಯೆ ಎರೆಡು  ಲಕ್ಷ ದಾಟಲಿದೆ.ಕಂಟಿನ್ಯೂ ಆಗಿ ಬರೆಯಲಾಗದ ನನ್ನ ಸೋಮಾರಿತನವನ್ನ ಕ್ಷಮಿಸಿ, ಸಾಧ್ಯವಾದರೆ ಇನ್ನು ಮುಂದೆ ತಿಂಗಳಿಗೆ ಅಥವಾ ವಾರಕ್ಕೊಂದಾದರೂ ಪೋಸ್ಟ್ ಮಾಡಿಯೇನು. ಇಲ್ಲಿಯವರೆಗೆ ಹೆಚ್ಚು ನೋಡಿರುವ ( ಓದಿರುವ ಅಲ್ಲ) ಕೆಲವೇ ಕೆಲವು ಬ್ಲಾಗುಗಳಲ್ಲಿ ನವಿಲುಗರಿಯೂ ಒಂದು. ಇಲ್ಲಿ ನಾನು ಕವಿತೆ ಅಂದುಕೊಂಡು ಬರೆದಿರುವ ಸಾಲುಗಳಿಗೆ ಕವಿತೆ ಅನ್ನುವ ಚಂದದ ಹೆಸರಿನಿಂದ ಕರೆಯಬೇಕ? ಅದೂ ತೋಚುತ್ತಿಲ್ಲ.ಇಲ್ಲಿರುವ ಕೆಲವು ಲವ್ ಲೆಟರುಗಳು,ಹನಿಗವಿತೆಗಳು ನಿಮ್ಮನ್ನ ಎರಡು ಕ್ಷಣ ಓದಿಸಿಕೊಂಡರೆ ನನಗಷ್ಟೆ ಸಾಕು. ಇಲ್ಲಿರುವುದನ್ನೆಲ್ಲ ಕವಿತೆ ಮತ್ತು ಅದ್ಭುತ ಬರಹ ಅಂದುಕೊಳ್ಳುತ್ತ ಓದುವ ನಿಮಗೆ ಮತ್ತು ನಿಮ್ಮ ಸಹನೆಗೆ ಮತ್ತು ಅತ್ಯಮೂಲ್ಯ ಸಮಯಕ್ಕೆ ನಾನು ಅಭಾರಿ…..

ಇಂತಿ ನಿಮ್ಮ ಪ್ರೀತಿಯ
ನವಿಲುಗರಿ ಸೋಮು.

ನಾನು ನವಿಲುಗರಿ ಸೋಮು.. ನಮ್ಮೂರು ಮಲೆನಾಡಿನ ಶಿವಮೊಗ್ಗದ ಸಾಗರ. ಕೆಲವು ಕಾರಣಾಂತರಗಳಿಂದ SSLC ಯ ವರೆಗೆ ಮಾತ್ರ ವಿಧ್ಯಾಭ್ಯಾಸ ಮಾಡೋಕೆ ಸಾದ್ಯವಾಯ್ತು.  ಊರು ಬಿಟ್ಟು ಬೆಂಗಳೂರೆಂಬ ಮಹಾನಗರಿಗೆ ಬಂದಿದ್ದೀನಿ. ಕನ್ನಡದ ಜೋಗುಳ,ಚಕ್ರವಾಕ ಚಿಕ್ಕಮ್ಮ.ಅಮೃತವರ್ಷಿಣಿ ಚೆಲುವಿ ಧಾರಾವಹಿಯಗಳ ನಿರ್ದೇಶನ ತಂಡದಲ್ಲಿ ಕೆಲಸ ಮಾಡಿದ ಅನುಭವವಿದೆ, ಜ಼ೀ ಕನ್ನಡದಲ್ಲಿ ಅತೀ ಹೆಚ್ಚು ಪ್ರಸಾರ ಕಂಡ  ಅಶು ಬೆದ್ರಾ ವೆಂಚರ್ಸ್ ಅವರ ರಾಧಾ ಕಲ್ಯಾಣ ಧಾರಾವಾಹಿಗೆ ಚಿತ್ರಕಥೆ ಹಾಗು ಸಂಭಾಷಣೆಯನ್ನ ಬರೆದ ತೃಪ್ತಿಯಿದೆ.. ಸದ್ಯಕ್ಕೆ ಜ಼ೀ ಕನ್ನಡದಲ್ಲಿ ಕೆಲಸ. ಇಲ್ಲಿ ಈಗ ಜನಪ್ರಿಯವಾಗ್ರುತ್ವತಿರುವ “ನಾಗಿಣಿ ” “ಮಹಾದೇವಿ” ಧಾರಾವಾಹಿಗಳಿಗೆ ಎಗ್ಸಿಕ್ಯುಟಿವ್ ಪ್ರೋಗ್ರಾಮರ್ ಆಗಿ ಕೆಲ್ಸ ಮಾಡ್ತಿದ್ದೀನಿ. ಜೊತೆಗೆ “ನಾಗಿಣಿ” ಧಾರಾವಾಹಿಗೆ “ಕಥೆ ಚಿತ್ರಕಥೆ” ಯ ಜವಬ್ದಾರಿ ಹೊತ್ತಿದ್ದೇನೆ. ಇಷ್ಟೆಲ್ಲ ಟಾಮ್ ಟಾಮ್ ಹೊಡೆದುಕೊಳ್ಳುವ ನಾನು ಇಲ್ಲಿಯವರೆಗೆ ಅಂತದ್ದೇನು ಮಹಾನ್ ಸಾಹಿತ್ಯ ಕೃಷಿ ಮಾಡಿದ್ದಿಲ್ಲ. ಕೆಲವೇ ಕೆಲವು ಕವನಗಳು ಪತ್ರಿಕೆಯಲ್ಲಿ ಮತ್ತೆ ಕೆಲವು ಕವನಗಳು website ಗಳಲ್ಲಿ ಬಂದಿವೆ. ಜೀವನದ ಅಮೂಲ್ಯ ಸಮಯವನ್ನ ವ್ಯರ್ಥವಾಗಿ ಕಳೆದುಕೊಂಡಿದ್ದರ ಬಗ್ಗೆ ಖೇದವಿದೆ, ಮುಂದಿರುವ ಬದುಕನ್ನ ಚಂದಗಾಣಿಸಿಕೊಳ್ಳುವ ತುಡಿತವಿದೆ, ಅಂದ ಹಾಗೆ ಬೇರೆ ಭಾಷೆ ಬಾರದಿರುವ ಕಾರಣ ಕನ್ನಡದ ಬಗ್ಗೆ ಅತಿಯಾದ ವ್ಯಾಮೋಹವಿದೆ.  ಅದೇ ವ್ಯಾಮೋಹದಲ್ಲಿ ಅಲ್ಲಲ್ಲಿ ವ್ಯಾಕರಣ ದೋಷವಿದ್ದರೆ, ಅಕ್ಷರಗಳನ್ನ ತಿಂದು ತೇಗಿದ್ದರೆ ದಯವಿಟ್ಟು ನನ್ನ ತಪ್ಪನ್ನ “ಖನ್ನಡದ ಹುಗ್ರ ಓರಾಟಗಾರರು” ಕ್ಷಮಿಸಬೇಕು.

ನವಿಲುಗರಿ ಸೋಮು
navilagari@gmail.com
navila_gari@yahoo.com

.